|
PHATLALATSO | |
|
SECHABA SE TSEBISOA HORE TONA-KHOLO E NCHA EA LESOTHO, KAMORA’ HORE KOMISI E IKEMETSENG EA LIKHETHO (IEC) E PHATLALATSE SEPHETHO SA LIKHETHO TSE NENG LI TŠOEROE KA MOQEBELO OA LA 25 MOTŠEANONG, SELEMONG SONA SENA, E TLA HLAPANTŠOA ESITA LE HO NKA KANO EA OFISI TŠEBELETSONG E TLA TŠOARELOA LEBALENG LA SETSOTO KA LABOBELI LA LA 4 PHUPTJANE, SELEMONG SONA SENA. SECHABA SE TLA HOPOLA HORE KASETE E BONTŠANG MABITSO A LITHO TSE NCHA TSA LEKHOTLA LA SECHABA (NATIONAL ASSEMBLY) E SE E PHATLALALITSOE. MOHLOMPHEHI TONA-KHOLO LE LEKHOTLA LA MATONA BA ILE BA ITOKOLLA MOSEBETSING MAOBANE KA LA BONE LA LA 30 MOTŠEANONG 2002, ’ME MOTLOTLEHI LETSIE III O AMOHETSE BOITOKOLLO BONA; EMPA A BONTŠA HORE MOHLOMPHEHI TONA-KHOLO O TLA TSOA A NTSE A TŠOERE MARAPO A PUSO HO FIHLELA A NEHELANA KA ’ONA HO EO LEKHOTLA LA LIPOLOTIKI LE NANG LE BONGATA KA LEKHOTLENG LA SECHABA LE TLANG HO KHOTHALETSA HORE E BE EENA TONA-KHOLO. HO FETA MONA, SECHABA SE TLA HOPOLA HORE HO LATELA MOLAO OA LEKHOTLA LA NAKOANA LA LIPOLOTIKI (IPA), TŠEBETSO EA LEKHOTLA LEO E FELA LETSATSI KAMORA’ PHATLALATSO EA SEPHETHO SA LIKHETHO. SEPHETHO SE ILE SA PHATLALATSOA KA MOLAO KA LA BORARO LA LA 29 MOTŠEANONG, 2002. KA TSELA E JOALO, TŠEBETSO EA IPA E ILE EA FELA KA HORA EA LESHOME LE METSO E ’MELI KA KHITLA BOSIUNG BO NENG BO SELA LABOHLANO LA LA 31 MOTŠEANONG, 2002. SECHABA SE MENGOA HO MAMELA LI-EA-LE-MOEA KAHA NAKO LE NAKO HO TLA ’NE HO ETSOE LIPHATLALATSO TSA TOKISETSO EA MOSEBETSI ONA OA BOHLOKOA OA TLHAPANTŠO EA TONA-KHOLO E NCHA KAMORA’ HO TŠOAROA HA LIKHETHO. 31 MOTŠEANONG, 2002 | |